2024 жылы Қарағанды индустриялық университеті мен SAP арасындағы ынтымақтастықтың жаңа кезеңінің, сондай-ақ өзара тиімді серіктестіктің жаңа нысандары мен бағыттары белгіленді.
2024 жылдың 23 желтоқсанында Қарағанды индустриялық университетінде SAP өкілдерімен кездесу өткізілді, оның барысында университеттің SAP Университеттер Альянсына кіруі туралы келісімге қол қойылды. SAP ынтымақтастық университетке оқу және ғылыми-зерттеу процесінде SAP компаниясының бағдарламалық қамтамасыз ету бағдарламаларын пайдалануға мүмкіндік береді.
«Бұл университетіміздің студенттері мен оқытушылары үшін заманауи технологиялар мен цифрлық трансформациялау саласында жаңа мүмкіндіктерге жол ашады. Осы мүмкіндік университет үшін заманауи нарық талаптарына жауап беретін білім беру бағдарламаларын әзірлеуге, цифрлық трансформациялау жағдайында сұранысқа ие мамандарды дайындауға мүмкіндік береді», - деп атап өтті ҚариУ ректоры Бақыт Жәутіков.
SAP өкілдерінің сапары аясында 2024 жылдың 30 қыркүйегі мен 22 қарашасы аралығында өткен SAP BTP Exploration Workshop: Nomad HackFest хакатонының жеңімпазы атанған USB студенттік командасына сыйлықтар табыс етілді. Хакатон нақты бизнес-кейстерге негізделген инновациялық шешімдерді жасау үшін елдің 10 жетекші университетінен, бизнес пен IT-компаниялармен 100 астам студенттерді біріктірді.
USB командасы Qarmet үшін персоналды таңдауды автоматтандыру шешімін әзірледі. Жасанды интеллектке негізделген қызмет HeadHunter платформасынан деректерді жинайды және үміткердің жұмысқа қойылатын талаптарға сәйкестігінің пайызын есептейді. Бұл жалдаушыларға үміткерлермен сапалы өзара әрекеттесуге назар аударуға және іріктеу процесін оңай басқаруға мүмкіндік береді.
Студенттер дайындықтың жоғары деңгейін және шығармашылық көзқарасты көрсетті, оны компания мамандары атап өтті.
«Біз жас дарындардың заманауи технологияларды меңгеру мүмкіндігін қамтамасыз етуге үлкен мән береміз. Сондықтан біз әлемнің барлық жетекші университеттерімен жұмыс істейміз. Бүгін біз Теміртау университетінің де біздің Университеттік Альянсқа қосылғанына өте қуаныштымыз», - деді SAP өкілі, Директорлар кеңесінің мүшесі Юлия Степанцова.
SAP – бизнеске арналған кәсіпорын қолданбалары мен жасанды интеллект саласындағы әлемдік көшбасшы. 50 жылдан астам уақыттан бері ұйымдар қаржы, сатып алу, HR, жеткізу тізбегі және тұтынушылармен қарым-қатынастар бойынша өздерінің негізгі бизнес-процестерін басқару үшін SAP сенеді. SAP шешімдері мен қызметтерін әлемнің 190 еліндегі 440 000 астам тұтынушылар пайдаланады.
Қазіргі уақытта Қазақстанда 18 университет SAP University Alliance жаһандық бағдарламасының қатысушылары болып табылады, соның арқасында олар оқу материалдарына және білім беру және ғылыми-қолданбалы мақсаттарда пайдалануға арналған SAP бағдарламалық қамтамасыз етуіне тегін қол жеткізуде, мамандандырылған SAP тренингтерінде тағылымдамадан өтеді және SAP оқытуға қатысатын бағдарламалары бар университеттерге арналған халықаралық бағдарламаларға және конференциялар қатысады.
