Форумға мемлекеттік органдардың, бизнестің, халықаралық технологиялық компаниялардың және сарапшылық қоғамдастықтың өкілдері қатысты. Биылғы Digital Qazaqstan 2026 көрмесінің негізгі тақырыбы адамға бағдарланған, тұрақты және өзара байланысты цифрлық экономикаға көшуді бейнелейтін Industry 5.0: The Power of Connection тұжырымдамасы болды.
Іскерлік бағдарлама аясында
қатысушылар жасанды интеллектті дамытудың, мемлекеттік қызметтерді
цифрландырудың, цифрлық экожүйелерді қалыптастырудың, сондай-ақ қаланы басқару
мен өнеркәсіпке инновациялық шешімдерді енгізудің өзекті мәселелерін талқылады.
AI-ды қолданудың практикалық кейстеріне және жаңа экономиканың негізгі ресурсы
ретіндегі деректерге ерекше назар аударылды.
Форум жұмысына Астана қаласының
Цифрландыру және мемлекеттік қызметтер басқармасы мен «Астана Innovations» АҚ
өкілдері қатысты. GovTech-стенд алаңында қалалық R&D-экожүйесінің негізгі
элементі ретінде AI Lab
тұжырымдамасы ұсынылды.
AI Lab қалалық инфрақұрылымның
түрлі салаларына жасанды интеллект негізіндегі шешімдерді іздеу, іріктеу,
тестілеу және енгізу үшін бірыңғай орта ретінде қалыптасуда. Тұжырымдама
инновациялармен жұмыс істеудің толық циклін құруды, соның ішінде стартаптармен
өзара іс-қимылды, акселерациялық бағдарламаларды өткізуді, пилоттық жобаларды
іске қосуды және тиімді шешімдерді кейіннен масштабтауды қарастырады.
Маңызды
элемент — қала мүддесі үшін қолданылатын технологияларды сарапшылық бағалауды
және басымдықтарды айқындауды қамтамасыз ететін AI-кеңес.
Экспозиция
аясында интерактивті форматта елорданың негізгі цифрлық жобаларын және оларды
қала тұрғындарының күнделікті өмірінде қолдану мүмкіндіктерін таныстырған AI-аватар көрсетілді.
Форум
барысында елордалық делегация серіктестермен бірқатар жұмыс кездесулерін
өткізді, сондай-ақ салалық сессияларға, соның ішінде «Қазақстанның цифрлық
өңірлері» дөңгелек үстеліне қатысты.
Форум
қорытындысы бойынша «Астана Innovations» АҚ жетекші технологиялық және білім
беру ұйымдарымен бірқатар ынтымақтастық туралы меморандумдарға қол қойды. Атап
айтқанда, MOST Ventures Fund-пен
инновациялар және жасанды интеллект саласындағы бірлескен жобаларды дамыту
туралы уағдаластықтарға қол жеткізілді.
Сондай-ақ
«Халықаралық бағдарламалар
орталығы» АҚ-мен AI және цифрландыру саласында білікті мамандарды даярлауға
бағытталған келісім жасалды.
Бұдан
бөлек, «NCSPEECH» ЖШС-мен
серіктестік орнатылды, ол AI-жобаларды дамыту үшін датасеттерді құруды және
бірлесіп пайдалануды қарастырады. Бұл бағытты іске асыру зияткерлік сервистерді
енгізуді жеделдетуге және ұлттық деңгейде цифрлық шешімдердің тиімділігін
арттыруға мүмкіндік береді.