Қазақстан Республикасының Ғылым және жоғары білім министрлігі жасанды интеллект саласындағы алғашқы зерттеу университеті — AI Research University-де қандай бағыттар бойынша даярлық жүргізілетінін айтты деп хабарлайды Kazinform агентствосының тілшісі.
Агентство
тілшісінің сұрауына берілген жауапта дайындық жасанды интеллект,
ақпараттық-коммуникациялық технологиялар, ақпараттық қауіпсіздік, AI+X және
басқа да суміш мамандықтар бағыттары бойынша жүргізілетіні хабарланды. Білім
беру бағдарламалары жасанды интеллект технологияларын экономиканың әртүрлі
салаларында қолдануға бағытталады.
Министрлікте
университеттің профессорлық-оқытушылық құрамы кезең-кезеңімен — білім беру
бағдарламаларының дамуы мен оқушылар санының артуын ескере отырып қалыптасатыны
атап өтілді. Отандық және шетелдік оқытушыларды, визит-профессорларды,
сондай-ақ халықаралық академиялық және кәсіби тәжірибесі бар мамандарды тарту
жоспарланып отыр.
Сонымен
қатар, университет шетелдік студенттерді қабылдауды жоспарлайды. Ол үшін
көптілді оқыту, стипендиялық бағдарламаларға қатысу және шетелдік түсушілер
арасында кәсіптік бағдарлау жұмыстарын жүргізу қарастырылған.
Еске
салайық, AI Research University-дегі оқу 2026 жылғы 1 қыркүйектен бакалавриат
және магистратура бағдарламалары бойынша басталады. Докторантура
бағдарламаларын ашу мәселесі қосымша қаралатын болады.
Зерттеу
университеті Alem.ai базасында орналасады. Студенттерге alem.cloud, AlemLLM
және Astana Hub ресурстарын қамтитын жасанды интеллектінің ұлттық
инфрақұрылымына қол жеткізу қамтамасыз етіледі.
Ғылым
министрлігінде сондай-ақ студенттердің тұрғын үй мәселелері белгіленген
тәртіпте, оның ішінде білім беру ұйымдарымен және орналастыру объектілерімен
шарт жасасу арқылы шешілетінін қосты.
Дереккөз:
https://www.inform.kz/ru/kakih-spetsialistov-budet-gotovit-perviy-universitet-iivkazahstane-288dc9f1