Түркі мемлекеттері ұйымының Түркістандағы бейресми саммитінде Қазақстан тек инфрақұрылымдық жобаларды ғана емес, сонымен қатар өңірдің ортақ цифрлық тұрақтылығының негізгі элементіне айналған киберқауіпсіздік саласындағы ауқымды бастамаларды да ұсынды.
Жасанды интеллект және цифрлық даму министрлігі
түркі мемлекеттері үшін бірыңғай цифрлық қалқан құру идеясын белсенді түрде
ілгерілетіп, ынтымақтастықты жаңа деңгейге шығарып отыр. Бұл бағыттағы маңызды
қадам Қазақстан мен Түркия арасындағы киберынтымақтастық туралы меморандумға
қол қою болды. Аталған құжат елдердің инциденттер туралы деректермен жедел
алмасуға, сыни инфрақұрылымды бірлесіп қорғауға, бірлескен кибероқулар өткізуге
және салалық кадрлар даярлауға дайын екенін бекітті.
Алайда Қазақстан тек екіжақты келісімдермен
шектелмей, бұл тәжірибені ТМҰ-ның бүкіл кеңістігіне таратуды ұсынып отыр.
Еліміз Ұйым аясында толыққанды Киберқауіпсіздік жөніндегі кеңес құру бастамасын
көтерді. Тиісті тұжырымдаманы қазақстандық тарап әзірлеп, қарау үшін
әріптестерге жолдады. Бұл Кеңес бейінді органдардың тікелей үйлестіру тетігіне,
қауіптер мен «нөлдік күн» осалдықтары туралы ақпаратпен жедел алмасуға,
сондай-ақ азаматтардың дербес деректерін қорғау үшін реттеуші стандарттарды
жақындастыруға арналған құрылым болуға тиіс.
IT-периметр қауіпсіздігі инновациялық
платформаларды дамытумен қатар жүріп отыр, бұл бағытта ТМҰ елдері де өңірдің
жетекші технопарктері деңгейінде алғаш рет сынақтан өткен Turkic Metaverse
секілді жобаларды дамытып, көшбасшылық танытуда.
Премьер-Министрдің орынбасары – Жасанды интеллект
және цифрлық даму министрі Жаслан Мадиев атап өткендей, сенімді қауіпсіздік
іргетасынсыз мықты цифрлық экономиканы құру мүмкін емес. Жасанды интеллект
қарқынды дамып жатқан дәуірде киберқауіптер шекара танымайды, сондықтан
үзік-үзік қорғаныс енді жұмыс істемейді. ТМҰ-ның Киберқауіпсіздік жөніндегі
кеңесін құру жөніндегі біздің бастамамыз – нүктелік өзара іс-қимылдан бірыңғай
технологиялық қалқанға көшу. Біз ұлттық орталықтарымыздың күшін біріктіруді,
бірегей деректермен нақты уақыт режимінде алмасуды және кадрларды бірлесіп
даярлауды ұсынамыз. Тек осылай ғана, қорғалған цифрлық экожүйе құра отырып,
түркі мемлекеттері сыни инфрақұрылымның тұрақтылығы мен өз азаматтарының
деректер қауіпсіздігін қамтамасыз ете алады.
Дереккөз: https://www.gov.kz/memleket/entities/maidd/press/news/details/1221441?lang=ru