AI-Sana бағдарламасының қатысушылары оқу жобаларынан бизнесте, өнеркәсіпте, денсаулық сақтауда және мемлекеттік құрылымдарда қолданылатын шешімдерді жасауға көшуде, деп хабарлайды Elordainfo.kz ҚР Ғылым және жоғары білім министрлігіне сілтеме жасай отырып.
Бағдарламаның
негізгі нәтижелерінің бірі — отандық университеттер базасында жасанды
интеллекттің біртұтас экожүйесін қалыптастыру болды. Студенттік және
университеттік топтар өнімдер әзірлеп, пилоттық енгізуден өтеді, халықаралық
гранттар алады және инвесторлардың назарын аудартады.
Astana
IT University ұшқышсыз ұшу аппараттары арқылы күн панельдерінің ақауларын
автоматты түрде анықтайтын EnergyDronesAI жүйесін жасады. Жоба Shell
компаниясының грантын және Қытайдағы халықаралық байқауда алтын марапатты жеңіп
алды.
Қазақстан-Британ
техникалық университеті «ҚазМұнайГаз» АҚ-мен бірлесіп мұнай-газ саласында
деректерді талдауға арналған интеллектуалды көмекші — KMG.AIAN жобасын жүзеге
асыруда.
Шығыс
Қазақстан техникалық университеті шахталарда қозғалысты басқару және
қауіпсіздікті арттыру үшін Smart Safety Monitor жүйесін әзірледі. Жоба
Дүниежүзілік банктің гранттық қолдауын алды.
ЖИ-технологиялары
денсаулық сақтауға да енгізілуде. Астана медицина университеті бірқатар
медициналық ұйымдармен бірге қолданылатын ZhanCare.AI телемедицина платформасын
дамытуда.
Astana
IT University трансплантологияда клиникалық шешімдерді қолдауға арналған
CortexAI жүйесін әзірлеуде. Жоба Сауд Арабиясындағы серіктестерден халықаралық
грант алды.
Л.Н.
Гумилев атындағы ЕҰУ қазақ тіліндегі медиаконтентті автоматты сурдоаудармалауға
арналған SignBridge жүйесін енгізуде. Технология «Jibek Joly» телеарнасының
бағдарламаларын хабар таратуда қазірдің өзінде қолданылып жүр.
Туризм
саласында Ақпараттық технологиялар халықаралық университеті қызметтерді
автоматтандыруға арналған TrustTravel платформасын жүзеге асыруда. Оған
қазірдің өзінде сегіз компания қосылған.
Қорқыт
Ата атындағы Қызылорда университеті SeoulTech филиалымен бірлесіп қолданушылар
мен қаржы жүйелерін фишингтік шабуылдардан қорғауға арналған PhishGuard AI
платформасын дамытуда. Қазір шешімді прокуратура органдарымен енгізу туралы
келіссөздер жүргізілуде.
Narxoz
University Queen's University-мен бірлесіп трансшекаралық есеп айырысуларға
арналған ITEQ жобасын жүзеге асыруда. Осы бағыт бойынша ЦентрКредит Банкімен
пилоттық келісімге қол қойылды.
Қазақстан-Британ
техникалық университеті сонымен қатар компаниялардың жұмысын автоматтандыру
үшін жасанды интеллектті CRM, ERP, маркетингтік және BI жүйелеріне
интеграциялайтын KOZ AI платформасын енгізуде. Қазір жоба 30-дан астам клиентке
қызмет көрсетеді.
Әл-Фараби
атындағы ҚазҰУ Astana Hub-пен бірлесіп стартаптарды онлайн-инкубациялауға
арналған AI Startify Incubator платформасын дамытуда.
Ғ.
Дәукеев атындағы Алматы энергетика және байланыс университеті өтінімдерді
автоматты өңдеу мен бөлуге арналған біртұтас өтінімдер орталығы — Ushqyn AI
жүйесін енгізуде. Жоба бойынша «Қазақтелеком» АҚ және басқа да байланыс
операторларымен ынтымақтастық орнатылды.
Министрлікте
AI-Sana бағдарламасы елдің барлық өңірлерінде дамып келе жатқанын және кадрлар
даярлауды, ғылыми зерттеулерді және озық технологияларды экономика мен
әлеуметтік салаға енгізуді біріктіретінін атап өтті.