Карагандинский индустриальный университет-те студенттер арасында ұлттық спорт түрлерінен жарыстар өтті. Іс-шара қазақ халқының мәдени дәстүрлерін сақтау мен насихаттауға ұмтылған, сондай-ақ өздерінің ептілігін, күшін және стратегиялық ойлау қабілетін көрсетуге ниетті қатысушылардың басын қосты.
Жарыс бағдарламасына асық ату,
арқан тарту, тоғызқұмалақ және бес асық сияқты ұлттық ойындар енгізілді. Асық
ату сайысында студенттер қарсыластарының асықтарын дәл көздеп атып, мергендік
пен нақтылықтарын көрсетті. Арқан тарту нағыз күш пен командалық рухтың
сынағына айналды — қатысушылар тартысты бәсекеде ұйымшылдық пен төзімділік
танытты. Интеллектуалдық ойын — тоғызқұмалақта спортшылар стратегиялық ойлау
қабілетін және жүрістерді алдын ала есептей білу шеберлігін көрсетті. Ал бес
асық ойынында қатысушылар ептілік, үйлесімділік және жылдам реакция танытты.
Жарыстар достық және салауатты
бәсекелестік атмосферасында өтті. Осындай іс-шаралар студенттер бірлігін
нығайтуға, ұлттық спорт түрлеріне деген қызығушылықты арттыруға және халықтың
мәдени мұрасын сақтауға ықпал етеді.
Photo Gallery
