ҚарИУ докторанттарына: мүмкіндіктер, қолдау және пайдалы ақпарат

Докторантурада оқу-зерттеу жүргізу, ғылыми жобаларға қатысу, академиялық ұтқырлық және кәсіби өсу үшін кең мүмкіндіктер ашатын кәсіби және ғылыми дамудың маңызды кезеңі. «Қарағанды индустриялық университеті» КЕАҚ докторанттарға оқу кезеңінде қолжетімді негізгі мүмкіндіктер мен қолдау шаралары туралы еске салады.

Ғылыми жобаларға қатысу

Қарағанды индустриялық университетінің докторанттары гранттық қаржыландыру жобаларымен жұмыс істейтін зерттеу топтарының құрамында ғылыми зерттеулерді орындауға қатыса алады. Бұл мүмкіндік береді:

 - ғылыми жұмыстың практикалық тәжірибесін алу;

 - зерттеу құзыреттерін дамыту;

 - Scopus және Web of Science базаларының Q1 және Q2 елеулі шетелдік ғылыми басылымдарында ғылыми жарияланымдарды дайындауға қатысу;

 - заманауи ғылыми жабдықтармен жұмыс істеу;

 - ғылыми жобалар қаражаты есебінен кәсіби байланыстар мен ғылыми ынтымақтастықты, оның ішінде шетелдік іссапарлар барысында кеңейтуге;

 - жоба бойынша лауазымдық міндеттерін орындағаны үшін лайықты еңбекақы төлеу мүмкіндігін алу.

Ғылыми жобаларға қатысу мәселелері бойынша докторанттар бітіруші кафедраларға және ғылым және инновация департаментіне (жаңа корпус, Н-217, Н-219 кабинеттері) жүгіне алады.

Ғылыми тағылымдамалар, іс-шаралар және жарияланым белсенділігі

Докторанттарға шетелдік және отандық ұйымдар мен университеттерде ғылыми тағылымдамадан өту мүмкіндігі беріледі. Сондай-ақ білім алушылар тренингтерге, шеберлік сыныптарына, ғылыми семинарларға, конференцияларға және кәсіби іс-шараларға қатыса алады.

Шетелдік тағылымдамадан өтпес бұрын ғылым және инновациялар департаментінің (жаңа корпус, Н-217 кабинеті) және стратегия және интернационалдандыру департаментінің (жаңа корпус, Н-210 кабинеті) жауапты қызметкерлерімен құжаттарды, мерзімдерді және ұйымдастыру рәсімдерін дайындау мәселелері бойынша алдын ала кеңес алу ұсынылады.

Докторантты даярлаудың негізгі бағыттарының бірі ғылыми зерттеулердің нәтижелерін жариялау болып табылады. Университет білім алушыларды үнемі хабардар етеді:

- ғылыми конференциялар;

- жарияланымдарға қойылатын талаптар;

- ғылыми мақалаларды жариялау мүмкіндіктері;

- жас ғалымдарға арналған конкурстар мен гранттық бағдарламалар.

Конференцияларға, конкурстарға және басқа да іс-шараларға қатысу үшін біздің университеттің ресми сайтындағы https://tttu.edu.kz/ және оның әлеуметтік желілердегі аккаунттарындағы ( https://www.instagram.com/kariu_kz1 , https://www.facebook.com/k.aragandy.industrialyk.universiteti.temirtau/# ) хабарландыруларды қадағалаңыз:

Докторанттар мақалаларды ресімдеу, журналдарды таңдау, академиялық этиканы сақтау және жоғары оқу орнынан кейінгі білім беру және жарияланым белсенділігі бөлімінің (жаңа корпус, Н-219 кабинет) қызметкерлерінен жариялауға материалдар дайындау мәселелері бойынша кеңес ала алады.

Консультациялық және ақпараттық қолдау

Университетте докторанттарды қолдау мақсатында төмендегілер қарастырылған:

- жеке консультациялар;

- ақпараттық-түсіндіру кездесулері;

- ғылыми семинарлар мен шеберлік сабақтары;

- кафедралар мен бейінді құрылымдық бөлімшелер тарапынан сүйемелдеу (Ғылым және инновациялар департаменті, Академиялық саясат департаменті).

Оқу процесін ұйымдастыру, ғылыми-зерттеу жұмыстары, тағылымдамалар, жарияланымдар және қорғауға дайындық мәселелері бойынша докторанттар төмендегілерге жүгіне алады:

- ғылыми консультанттарға;

- бітіруші кафедралардың меңгерушілеріне (байланыс мәліметтері, орналасқан жері және қабылдау кестесі КарИУ сайтының «Факультеттер» бөлімінде қолжетімді: https://tttu.edu.kz/page/fakultety);

- ғылым және инновациялар департаментінің басшылығына (жаңа корпус, Н-217 кабинеті);

- жоғары оқу орнынан кейінгі білім беру және жарияланымдық белсенділік бөліміне (жаңа корпус, Н-219 кабинеті).

Пайдалы ақпарат

ҚарИУ ресми сайтында төмендегілер орналастырылған:

- Университеттің академиялық саясаты: https://tttu.edu.kz/static/uploads/files/20260330042601_23.12.2026.pdf;

- нормативтік құжаттар, соның ішінде докторантурада оқу процесін реттейтін құжаттар: https://tttu.edu.kz/page/sistema-menedzhmenta-kachestva ;

- қолданыстағы диссертациялық кеңестер туралы ақпарат: https://tttu.edu.kz/page/deystvuyuschie-sovety-20260102205933;

- іске асырылып жатқан ғылыми жобалар туралы ақпарат: https://tttu.edu.kz/page/deystvuyuschie-nauchnye-proekty .

Докторанттарға университеттің ресми сайты мен кафедралардың ақпараттық ресурстарындағы жаңартуларды тұрақты түрде қадағалап отыру ұсынылады.

ҚарИУ заманауи ғылыми ортаны дамыту және жас зерттеушілердің кәсіби әрі ғылыми өсуіне қолайлы жағдай жасау бағытындағы жұмыстарын жалғастыруда.