Наурыз — Орталық Азия халықтары
үшін ең көне әрі маңызды мерекелердің бірі. Қазақстанда ол көктемнің келуін,
табиғаттың жаңаруын және жаңа өмірлік кезеңнің басталуын білдіреді. Даладағы
көшпелі халықтар үшін бұл кезең ерекше маңызды болған: жаңа шаруашылық жылы
басталып, адамдар өткенге қорытынды жасап, реніштерін кешіріп, өзгерістерге
дайындалған. Бүгінде Наурыз — тек тарихи дәстүр ғана емес, сонымен қатар
ұрпақтар мен елдегі түрлі этностарды біріктіретін жарқын мәдени оқиға.
2026 жыл Қазақстанда цифрландыру
және жасанды интеллект жылы болып жарияланды, ал Digital Nauryz жобасының іске
қосылуы дәстүр мен заманауи технологиялардың үйлесімді ұштасуының символына
айналды. Мұндай тәсіл мәдени мұраға жаңаша көзқараспен қарауға мүмкіндік беріп,
оны жастар үшін жақын әрі қолжетімді етеді.
20 наурыз күні Қарағанды
индустриялық университетінде бірқатар мерекелік іс-шаралар ұйымдастырылды.
Студенттер мен қонақтар үшін дәстүрлерді, шығармашылықты және студенттік
бастамаларды біріктіретін мазмұнды бағдарлама дайындалды. Жарқын іс-шаралардың
бірі «Баурсақ-пати» болды, онда қатысушылар ұлттық асханамен танысып, қазақ
дәстүрлерінің атмосферасын сезіне алды.
Іс-шара аясында Ethnostyle
«Этномода — это модно!» байқау-фестивалінің қорытындысы да шығарылды. Бір апта
бойы студенттер сабақтарға ұлттық киіммен келіп, ең жарқын әрі ерекше образдар
грамоталармен және символикалық сыйлықтармен марапатталды. Байқау қорытындысы
бойынша жүлделі орындар келесідей бөлінді:
— 1 орын — Құдайберген Нұрайым
(ТФП-25к-4),
— 2 орын — Джавланбекова Мухлиса
(ТФП-25к-4),
— 3 орын — Оразгелдиева
Огулдурсун (ПИ-26).
Мерекелік бағдарламаны
университет студенттері дайындаған шағын концерт қорытындылады. Онда мерекелік
көңіл күй мен көктемгі жаңару атмосферасын қалыптастыратын музыкалық және
шығармашылық нөмірлер ұсынылды.
Іс-шара ұлттық дәстүрлерді
насихаттауға, студенттердің шығармашылық әлеуетін ашуға және студенттік ортада
мәдени құндылықтарды нығайтуға арналған алаңға айналды.
Фотогалерея
