Қарағанды индустриялық
университеті AI & Digital Bridge 2026 халықаралық форумы аясында өткен
AI-Sana ұлттық бағдарламасы жобаларының көрмесіне қатысу үшін іріктелген
Қазақстанның 20 жоғары оқу орнының қатарына енді.
Форум қарсаңында Қазақстан
Республикасы Ғылым және жоғары білім министрлігі жасанды интеллект саласындағы
ең перспективалы университеттік жобаларды іріктеуден өткізді. Оның қорытындысы
бойынша КарИУ еліміздің ірі технологиялық алаңдарының бірінде бірден үш жеке
әзірлемесін таныстыру мүмкіндігіне ие болды.
Көрмеде университет:
🔹 KarIU
Smart Bots — студенттерді, талапкерлерді және қызметкерлерді арнайы
интеллектуалды ассистенттермен біріктіретін университеттің мультиагентті
ЖИ-платформасын;
🔹 SolarAI
— күн энергиясын пайдалануды мониторингтеу, болжау және оңтайландырудың
интеллектуалды жүйесін;
🔹 AI
Syllabus — ЖИ және RAG технологияларын пайдалана отырып, оқу силлабустарын
автоматтандырылған түрде қалыптастыру жүйесін таныстырды.
Көрмеде КарИУ атынан ПИ-23
тобының студенттері Вячеслав Нем, Евгений Степанов және Максим Одинцов,
сондай-ақ АиУ-26нм тобының магистранты Анна Нурманбаева қатысты. Екі күн бойы
команда жобалардың жұмысын көрсетіп, олардың практикалық қолданылуы туралы
айтып, форум қонақтарының сұрақтарына жауап берді.
Бірінші күні AI-Sana
экспозициясымен Қазақстан Республикасының Ғылым және жоғары білім министрі
Саясат Нұрбек, ҚР Президенті жанындағы Жасанды интеллектіні дамыту жөніндегі
кеңес мүшесі Пол Ким, Alpha Intelligence Capital серіктесі және Mariton
Partners басқарушы серіктесі-негізін қалаушы Ни Ли, сондай-ақ Halyk Bank
Басқарма төрағасының орынбасары Нариман Мұқушев танысты.
Екінші күні көрмеге
Қазақстан Республикасы Президентінің көмекшісі Қуанышбек Есекеев және ҚР Ғылым
және жоғары білім вице-министрі Динара Щеглова келді.
КарИУ-дің еліміздің
іріктелген 20 жоғары оқу орны қатарында AI-Sana көрмесіне қатысуы
университеттің жасанды интеллект саласындағы практикалық жұмысының нәтижелерін
көрсетуге, жеке әзірлемелерін сарапшылар қауымдастығына таныстыруға және Қазақстанның
жетекші жоғары оқу орындарының командаларымен тәжірибе алмасуға мүмкіндік
берді.
Фотогалерея
