26 ақпанда Карагандинский индустриальный университет базасында құқық қорғау органдары қызметкерлерінің қатысуымен «Интернет-алаяқтық пен бопсалаудың алдын алу» атты семинар өтті. Іс-шара өзекті тақырыпқа — интернет желісіндегі қауіпсіздікке, жеке деректерді қорғауға және студенттер мен қызметкерлер күн сайын тап болатын қаржылық және өзге де онлайн-қылмыстардың алдын алуға арналды.
Интернет-алаяқтық — бұл желіні пайдалану арқылы жасалатын
қылмыстық әрекеттің бір түрі, оның мақсаты — алдау жолымен пайдаланушылардың
ақшасын, жеке деректерін немесе өзге де материалдық құндылықтарын иемдену.
Мұндай қылмыстар фишингтік сайттар, жалған тауар сату ұсыныстары, өзін ресми
құрылым өкілдері ретінде таныстыратын тұлғалардың қоңыраулары, сондай-ақ
салдарын қорқыту арқылы қаражат аудартуды талап ететін бопсалау схемалары
түрінде көрініс табуы мүмкін. Осындай тәсілдер барған сайын күрделене түсіп, пайдаланушылардың
сенгіштігі мен цифрлық сауаттылық деңгейінің жеткіліксіздігіне бағытталады.
Құқық қорғау органдарының мамандары семинар
қатысушыларына интернеттегі ең кең таралған алаяқтық әдістері туралы, сондай-ақ
қылмыскерлер психологиялық қысым көрсету арқылы құпия ақпаратты иемденетін
әлеуметтік инженерия тәсілдері жөнінде егжей-тегжейлі түсіндірді. Банктердің,
мемлекеттік органдардың немесе тіпті туыстардың атынан қоңырау шалып не
хабарлама жазып, банк деректемелеріне немесе басқа да маңызды мәліметтерге қол
жеткізуге тырысатын жағдайлар мысал ретінде келтірілді.
Семинар барысында интернет-бопсалау мәселесіне ерекше
назар аударылды — қорқыту, шантаж немесе қысым көрсету арқылы пайдаланушыны
ақша төлеуге не құнды ақпарат беруге мәжбүрлеу жағдайлары талқыланды. Құқық
қорғау органдарының өкілдері мұндай қауіптерді қалай тануға болатынын, осындай
жағдайда қандай әрекеттерге жол бермеу керектігін, сондай-ақ адам қылмыстық
схеманың құрбаны болған жағдайда қалай әрекет ету қажеттігін түсіндірді.
Кездесу барысында қатысушыларға интернеттегі жеке
қауіпсіздікті қамтамасыз ету бойынша нақты ұсыныстар берілді:
— бөгде тұлғаларға жеке деректерді, құпиясөздерді және
банк карталарының деректемелерін хабарламау;
— шұғыл әрекет етуді немесе ақша аударуды талап ететін
хабарламалар мен қоңырауларға сыни тұрғыдан қарау;
— онлайн-сатып алу кезінде сайттар мен сатушылардың
сенімділігін тексеру, күмәнді сілтемелерден аулақ болу;
— күмәнді байланыстар немесе алаяқтық әрекеттері туралы
дереу құқық қорғау органдарына және банкке хабарлау.
Интернеттегі қауіпсіздік — бұл тек құрылғыларды қорғау
технологиясы ғана емес, сонымен қатар әрбір пайдаланушының мұқияттылығы.
Негізгі қауіптер мен олардың алдын алу тәсілдерін білу өзіңізді және
айналаңызды орны толмас салдарлардан қорғауға көмектеседі
Фотогалерея
