Іс-шаралардың негізгі бағыты білім беру үдерісінде, бағдарламалауда, автоматтандыруда және ақпараттық қауіпсіздікті қамтамасыз етуде жасанды интеллект технологияларын практикалық қолдануға арналды.
28 қыркүйекте кафедраның аға оқытушысы Ж.И. Титова «Құпиясөзді қорғау: жасанды интеллект дәуіріндегі цифрлық қауіпсіздік» тақырыбында шеберлік сабағын өткізді. Қатысушылар заманауи цифрлық қауіптерді, пайдаланушы тіркелгілерін қорғау тәсілдерін, құпиясөз менеджерлерін, екі факторлы аутентификацияны және Passkeys технологиясын қарастырды.
Сол күні Т.С. Кенжебаева «Автоматты басқару теориясы» пәні бойынша жасанды интеллект құралдарын пайдалана отырып, автоматты басқару жүйелерінің жиіліктік сипаттамаларын құру және талдауға арналған ашық сабақ өткізді. Студенттер есептеулер жүргізу, графиктер құру және алынған нәтижелерді талдау үшін жасанды интеллект құралдарын қолданды.
29 қыркүйекте кафедраның аға оқытушысы Е.В. Спичак «Автоматтандырылған басқару жүйелерінің қауіпсіздігі: адам мен жасанды интеллект қай жерде қателеседі?» тақырыбында семинар өткізді. Қатысушылар автоматтандырылған жүйелердің қауіпсіздігіне адам факторының әсерін, жасанды интеллектті қолдану тәуекелдерін және интеллектуалды жүйелер қабылдайтын шешімдерді бақылаудың маңыздылығын талқылады.
8 қазанда кафедраның аға оқытушысы, кафедра меңгерушісінің міндетін атқарушы А.О. Чванова «C# негіздері» пәні бойынша «C# тілінде массивтерді өңдеу алгоритмдерін әзірлеу және оңтайландыру кезінде жасанды интеллектті қолдану» тақырыбында ашық практикалық сабақ өткізді. Студенттер бағдарламалық шешімдер әзірлеп, оларды жасанды интеллект ұсынған нәтижелермен салыстырды, генерацияланған кодтағы қателерді анықтап, алгоритмдердің тиімділігін бағалады. Жасанды интеллектпен жұмыс істеу кезінде сыни талдау дағдыларын дамытуға ерекше назар аударылды.
Сонымен қатар, әдістемелік апта аясында университеттің оқу залында ақпараттық технологиялар, жасанды интеллект және автоматтандыру бағыттары бойынша оқу және оқу-әдістемелік әдебиеттер көрмесі ұйымдастырылды. Оқытушылар студенттермен бірге көрмені тамашалап, ұсынылған басылымдармен танысты.
Өткізілген іс-шаралар техникалық пәндерді оқытуда жасанды интеллектті біріктірудің түрлі тәсілдерін көрсетуге, заманауи цифрлық құралдарды қолдану тәжірибесімен алмасуға және болашақ мамандарды даярлауда жасанды интеллект мүмкіндіктерін кәсіби біліммен және сыни ойлаумен ұштастырудың маңыздылығын атап өтуге мүмкіндік берді.
Фотогалерея
