18 ақпанда Қарағанды индустриялық университетінде Теміртау қаласының Жастар ресурстық орталығы басшылығының, «Қазақстан тарихы және жалпы білім беру пәндері» кафедрасы өкілдерінің және университет студенттерінің қатысуымен «Ұлттық Құрылтай және жастар: тапсырмалардан нақты іске» атты диалог алаңы өтті.
Іс-шара Қазақстанның Ұлттық Құрылтайы бастамаларын
түсіндіруге, мемлекеттік жастар саясатының өзекті мәселелерін талқылауға және
студенттерді өңірлік деңгейде нақты жобаларды іске асыруға тартуға бағытталған
ашық пікірталас алаңына айналды. Негізгі назар Ұлттық Құрылтай отырыстарында
айтылған тапсырмаларға және оларды білім беру мен әлеуметтік ортада іс жүзінде
жүзеге асыру тетіктеріне аударылды.
Университет студенттері талқылауға белсенді қатысып, жас
мамандарды жұмысқа орналастыру, стартап-бастамаларды қолдау, ғылыми әлеуетті
дамыту және өңірде жастардың өзін-өзі жүзеге асыруына жағдай жасау мәселелерін
көтерді. Сондай-ақ университеттің адами капиталды қалыптастыру, инновациялар
мен қоғамдық бастамаларды дамыту орталығы ретіндегі рөлі жеке қарастырылды.
Қатысушылар Ұлттық Құрылтайдың мемлекет пен қоғам
арасындағы диалогты қамтамасыз ететін маңызды қоғамдық институт екенін атап
өтті, ал жастар тек тыңдаушы ғана емес, өзгерістердің белсенді қатысушысы болуы
тиіс екені айтылды. Диалог алаңы стратегиялық ұстанымдарды талқылаудан нақты
қадамдарға көшуге — бірлескен жобаларды әзірлеуге, университет пен қалалық
құрылымдар арасындағы өзара іс-қимылды күшейтуге және жастар бастамалары үшін
мүмкіндіктерді кеңейтуге жол ашты.
Кездесу қорытындысы бойынша алдағы ынтымақтастықты
жалғастыру, бірлескен іс-шаралар өткізу және студенттер мен Жастар ресурстық
орталығы арасындағы тұрақты кері байланыс тетігін қалыптастыру жөнінде
келісімге қол жеткізілді. Осындай диалог алаңдарын өткізу белсенді азаматтық
ұстанымды қалыптастыруға, білім беру ұйымдары мен жастармен жұмыс жүргізетін
органдар арасындағы әріптестікті нығайтуға, сондай-ақ мемлекеттік саясатты
тәжірибе жүзінде іске асыруға ықпал етеді.
Фотогалерея
