Қала күні құтты болсын!

Теміртау – өзіндік болмысы қалыптасқан, тарихы тағылымға толы, еңбек пен елдік дәстүрді арқау еткен тұғырлы қала.

Қаланың шежіресі – осында ғұмыр кешіп, маңдай терімен оның өркендеуіне үлес қосқан талай буынның тағдырымен сабақтас. Металлургиялық дәстүр мен еңбек даңқы орныққан Теміртау бүгінде өткенін қадірлеп, келешекке нық қадам басып келе жатқан киелі мекен.

Осы айтулы күні барша қала тұрғындарына зор денсаулық, отбасыларына амандық пен береке, еңбектеріне толайым табыс тілейміз. Әр шаңырақта шаттық пен жарасым орнап, әр жүректе туған қалаға деген мақтаныш пен ақ ниет салтанат құрсын!

Тұғырлы Теміртаудың мерейі үстем, абыройы асқақ болсын!
Қала күні құтты болсын!