Ұстаз еңбегі – ұрпаққа жол көрсететін шамшырақ
Мұғалім мамандығы – қашанда
қоғамдағы ең қадірлі әрі жауапкершілігі мол мамандықтардың бірі. Ұстаз шәкіртке
білім беріп қана қоймай, оның бойындағы қабілеті мен талабын танып, тұлға
ретінде қалыптасуына ықпал етеді. Әр баланың жүрегіне білімге деген құштарлық
ұялатып, өмірдегі өз жолын табуына бағыт-бағдар береді.
Ұстаз еңбегінің қадірі –
шәкіртінің жетістігімен, азамат болып қалыптасуымен және ел игілігіне қосқан
үлесімен өлшенеді. Күнделікті атқарылатын әр сабақтың, айтылған әр сөздің,
берілген әр кеңестің артында үлкен жауапкершілік пен шынайы жанашырлық жатыр.
Құрметті ұстаздар!
Сіздерге зор денсаулық,
отбасыларыңызға амандық пен береке, еңбектеріңізге шығармашылық шабыт пен
толағай табыс тілейміз. Әр оқу жылы жаңа ізденістер мен игі бастамаларға,
жарқын жетістіктер мен толымды нәтижелерге бастасын. Шәкірттеріңіздің әрбір
биігі сіздерге қуаныш пен мақтаныш сыйлап, еңбектеріңіз әрдайым лайықты
бағалансын!
Ұстаз мәртебесі биік, еңбегі берекелі, абыройы асқақ
болсын!
Мұғалімдер күні құтты болсын!
Фотогалерея
