30
сәуір күні Қарағанды индустриялық университетінде Бауман атындағы Мәскеу
мемлекеттік техникалық университеті өкілі — САПР кафедрасының меңгерушісі,
физика-математика ғылымдарының докторы, профессор Анатолий Павлович Карпенконың
сапары өтті.
Сапар барысында Анатолий
Павлович университеттің даму стратегиясына арналған презентация ұсынды.
Баяндамада инженерлік білім беруді жаңғырту, заманауи білім беру
технологияларын енгізу, сондай-ақ математикалық модельдеу, оңтайландыру және
зияткерлік жүйелер саласындағы ғылыми зерттеулерді дамыту мәселелері
қарастырылды.
Кездесуге сондай-ақ Алматы
энергетика және байланыс университетінің өкілі, техника ғылымдарының докторы,
профессор Ибулат Туремуратович Утепгенов қатысты.
Кездесу барысында бірлескен
білім беру бағдарламаларын іске асыру, ғылыми жобалар және тәжірибе алмасу
бағытындағы академиялық және ғылыми ынтымақтастық перспективалары талқыланды.
Бұл сапар серіктестік
байланыстарды нығайту және халықаралық ынтымақтастықты дамыту жолындағы маңызды
қадам болды.
Photo Gallery
