2026 жылғы 3 наурызда Карагандинский индустриальный университет базасында «Қос дипломды білім беру бағдарламаларын әзірлеу» атты воркшоп өтеді. Іс-шара білім беру бағдарламаларын дамытуға, халықаралық серіктестермен өзара іс-қимыл жасауға немесе қос дипломды оқытуды іске қосуды жоспарлап жүргендер үшін пайдалы болады.
Воркшоп сағат 14:00-ден 18:00-ге дейін КарИУ-дің жаңа
корпусында, Н-223 аудиториясында өтеді. Қатысуға академиялық мәселелер
жөніндегі проректор, департамент басшылары, факультет декандары, білім беру
бағдарламаларының жетекшілері және профессорлық-оқытушылық құрам шақырылады.
Бағдарлама аясында қос дипломды білім беру
бағдарламаларының ұғымдары мен модельдері, олардың университет, студенттер мен
оқытушылар үшін стратегиялық маңызы талқыланады. Сондай-ақ Қазақстандағы қос
дипломды білім берудің нормативтік және институционалдық негіздері,
қолданыстағы кедергілер мен сын-қатерлерге талдау жасалады. Қатысушылар
серіктестерді таңдау, оқу жоспарларын, кредиттер жүйесін және академиялық
ұтқырлықты қоса алғанда, бағдарламаларды әзірлеу мен іске асыру мәселелерін
қарастырады. Жұмыстың елеулі бөлігі топтық талқылаулар мен практикалық кейстер
форматында өтеді.
Спикерлер қатарында академиялық мәселелер жөніндегі
проректор Сивякова Г.А., ДАП директоры Харченко Е.М., сондай-ақ British Council
ұйымының өкілі Надежда Трубова бар.
Қатысу үшін өз ниетіңізді білім беру бағдарламасының
жетекшісіне, деканатқа немесе ДАП-қа хабарлап, белгіленген уақытта келу қажет —
қатысушыларды мазмұнды практикалық бағдарлама мен командалық жұмыс күтеді.
Фотогалерея
