Берілетін дәреже
КарИУ: 6B07105 «Өнеркәсіптік объектілерді энергиямен қамтамасыз ету» білім беру бағдарламасы бойынша техника және технологиялар бакалавры. ТИУ: 13.03.02 «Электр энергетикасы және электр техникасы» даярлау бағыты бойынша бакалавр, бағыты (бейіні) — «Электрмен жабдықтау».
Білім беру бағдарламасының сипаттамасы
Осы қос дипломды модульдік білім беру бағдарламасы жоғары білім беретін федералдық мемлекеттік бюджеттік білім беру мекемесі Түмен индустриялық университеті (Түмен қ., Ресей Федерациясы) және коммерциялық емес акционерлік қоғам Қарағанды индустриялық университеті (Қарағанды облысы, Теміртау қ., Қазақстан Республикасы) бірлескен оқу жоспарларының сәйкестігін айқындау жөніндегі комитеттің 2025 жылғы 27 мамырдағы № 1 бірлескен отырысының хаттамасы негізінде әзірленді.
Қарағанды индустриялық университеті (КарИУ) білім беру бағдарламасы:
6B07105 «Өнеркәсіптік объектілерді энергиямен қамтамасыз ету»
Түмен индустриялық университеті (ТИУ) білім беру бағдарламасы:
13.03.02 «Электр энергетикасы және электр техникасы»
Бағыты (бейіні): «Электрмен жабдықтау»
Қабылдау және оқыту тәртібі
1.3.1
Талапкер 6B07105 «Өнеркәсіптік объектілерді энергиямен қамтамасыз ету» білім беру бағдарламасына тек келесі жағдайларда қабылданады:
талапкер қос дипломды білім беру бағдарламасы бойынша оқудан бас тартқан жағдайда.
Бұл жағдайда білім алушы оқу мерзімі 4 жыл болатын білім беру бағдарламасының барлық талаптарын Қарағанды индустриялық университеті базасында орындайды.
Қорытынды аттестациядан сәтті өткен жағдайда білім алушыға 6B07105 «Өнеркәсіптік объектілерді энергиямен қамтамасыз ету» білім беру бағдарламасы бойынша техника және технологиялар бакалавры дәрежесі беріледі.
1.3.2
Талапкер 6B07105 «Өнеркәсіптік объектілерді энергиямен қамтамасыз ету» / 13.03.02 «Электр энергетикасы және электр техникасы» қос дипломды білім беру бағдарламасына келесі жағдайда қабылданады:
қос дипломды білім беру бағдарламасы бойынша оқуға келісім берген және Қарағанды индустриялық университеті мен Түмен индустриялық университеті базасында өткізілетін қабылдау емтихандарын сәтті тапсырған жағдайда.
Бұл жағдайда білім алушы оқу мерзімі 4 жыл, 2+2 схемасы бойынша (екі жыл КарИУ-де, екі жыл ТИУ-де) білім беру бағдарламасының барлық талаптарын орындайды.
Білім алушы бір дипломдық жұмысты орындайды, оның тақырыбы КарИУ мен ТИУ арасында келісілген болады, және қорытынды аттестациядан келісім бойынша университеттердің бірінде офлайн форматта өтеді, бұл ретте екінші университеттің аттестациялық комиссиясы дипломдық жұмысты қорғауға онлайн форматта қатысады.
Қорытынды аттестациядан сәтті өткен жағдайда түлекке екі диплом беріледі:
6B07105 «Өнеркәсіптік объектілерді энергиямен қамтамасыз ету» білім беру бағдарламасы бойынша техника және технологиялар бакалаврының дипломы;
13.03.02 «Электр энергетикасы және электр техникасы» даярлау бағыты бойынша, бейіні — «Электрмен жабдықтау» бакалавр дипломы.
Бағдарлама мақсаты
Өнеркәсіптік объектілерді энергиямен қамтамасыз ету саласында кәсіби қызметтің өзгермелі жағдайларына жедел бейімделе алатын жаңа буын мамандарын даярлау.
Бағдарламаның бірегейлігі
6B07105 «Өнеркәсіптік объектілерді энергиямен қамтамасыз ету» (қос дипломды білім беру бағдарламасы)
өңір мен республикадағы ұқсас білім беру бағдарламаларымен салыстырғанда келесі ерекшеліктерімен сипатталады:
1) Шетелдік техникалық университетпен қос дипломды оқытуды іске асыру
Бағдарлама шетелдік индустриялық университетпен бірлесіп, келісілген оқу жоспарлары мен білім беру модульдері негізінде қос дипломды білім беру форматында жүзеге асырылады. Оқыту 2+2 моделі бойынша ұйымдастырылады, яғни білім алушылар екі жоғары оқу орнында білім алады және қорытынды аттестация бірлескен комиссияның қатысуымен өткізіледі. Бағдарламаны сәтті аяқтаған түлектерге электр энергетикасы және электрмен жабдықтау бағыттары бойынша екі диплом беріледі, бұл түлектердің халықаралық академиялық және кәсіби бәсекеге қабілеттілігін едәуір арттырады.
2) Оқу мазмұны мен оқу нәтижелерінің жоғары оқу орындары арасындағы келісімділігі
Оқу жоспарлары екі университеттің білім беру модульдері, пәндері және оқу нәтижелерін салыстыру және келісу негізінде әзірленген. Бұл құзыреттердің сәйкестігін, академиялық ұтқырлықты, талаптардың ашықтығын және оқу нәтижелерінің халықаралық деңгейде танылуын қамтамасыз етеді.
3) Өнеркәсіптік объектілерді энергиямен қамтамасыз етуге бағытталған салалық бейін
Бағдарлама айқын қолданбалы бағытқа ие және өнеркәсіптік кәсіпорындарды, электрмен жабдықтау жүйелерін, қосалқы станцияларды, электр желілерін және өндірістік энергетикалық кешендерді энергиямен қамтамасыз ету мәселелеріне бағдарланған. Дайындық нақты энергетикалық инфрақұрылым объектілері мен өндірістік міндеттерге негізделген.
4) Энергетикадағы цифрлық, зияткерлік және автоматтандыру технологияларын интеграциялау
Бағдарламаның ерекшелігі – цифрлық және зияткерлік технологиялар бойынша пәндердің жүйелі түрде енгізілуі. Оқу үдерісіне энергетика мен өнеркәсіптегі жасанды интеллект, автоматтандырылған жобалау жүйелері (САПР), компьютерлік модельдеу, өнеркәсіптік контроллерлер, энергожүйелерді автоматтандыру және қорғау, зияткерлік басқару жүйелері кіреді. Бұл заманауи цифрлық инженерлік құзыреттерді қалыптастырады.
5) Жобалық-инжинирингтік және практикалық даярлықтың күшейтілуі
Бағдарламада энергиямен қамтамасыз ету жүйелерінің инжинирингі, энергетикадағы жобаларды басқару, инженерлік және ғылыми зерттеулер әдіснамасы, дизайн-ойлау қамтылған. Оқу, өндірістік және дипломалды практикалардың, сондай-ақ жобалық қызметтің көлемі едәуір, бұл даярлықтың қолданбалы сипатын қамтамасыз етеді.
6) Білім алушылардың академиялық және кәсіби траекториясының кеңейтілуі
Білім алушылар екі университеттің білім беру ресурстары мен инфрақұрылымына, пәндердің кеңейтілген тізбесіне, қосымша оқу форматтарына және Minor бағдарламаларына қол жеткізеді. Бұл жеке білім беру траекториясын қалыптастыруға және цифрлық, өнеркәсіптік және тұрақты энергетика салаларында кеңейтілген кәсіби құзыреттерді дамытуға мүмкіндік береді.
Кәсіби қызмет саласы
Кәсіби қызмет саласы ғылым мен техника саласын қамтиды және электр энергиясын өндіру, беру, тарату және тұтыну үшін жағдайлар жасауға бағытталған технологиялар, құралдар, тәсілдер мен адам қызметі әдістерінің жиынтығын білдіреді.
Біліктілік пен лауазымдар тізімі
6B07105 «Өнеркәсіптік объектілерді энергиямен қамтамасыз ету» / 13.03.02 «Электр энергетикасы және электр техникасы» білім беру бағдарламаларының түлектері келесі лауазымдарда жұмыс істей алады:
реттеу және сынақтар жөніндегі инженер, электротехникалық жабдықты пайдалану мен жөндеуді ұйымдастыру жөніндегі инженер, электр жабдықтарын монтаждау, қызмет көрсету және реттеу жөніндегі инженер, инженер-зертханашы, инженер-конструктор, инженер-жобалаушы, учаске шебері, цех (учаске) бастығы, ауысым бастығы, инженер-энергетик, инженер-электрик, бас энергетик, бас инженер.
