Astana IT University-де жасанды интеллект технологияларын дамытуға бағытталған пәнаралық зерттеулер жүргізілуде. Бұл туралы үкімет отырысында университеттің қауымдастырылған профессоры Бейбіт Әбдікенов хабарлады.
Жобалардың
бірі ЖИ қолдана отырып, сүт безі қатерлі ісігін диагностикалау және болжау
технологиясын жасауға арналған. Әзірлеме 2024–2026 жылдарға арналған
бағдарламалық-мақсатты қаржыландыру шеңберінде жүзеге асырылуда, ал
онкологиялық диспансерлердегі алғашқы пилоттық жобаларды 2024 жылдың соңына
дейін іске қосу жоспарланған.
Сонымен
қатар университет бұлшықет сигналдарын автоматты түрде тану мүмкіндігі бар
биондық алақан протезін жасау үстінде. Қазіргі уақытта құрылғының алғашқы
прототипі жасалған. Жоба мемлекеттік бағдарлама бойынша қаржыландырылады, оны
аяқтау және клиникалық сынақтар 2026 жылға жоспарланған.
Бұл
әзірлемелер денсаулық сақтау саласына озық технологияларды енгізіп қана қоймай,
Қазақстандағы медициналық робототехниканың дамуына да үлес қосуға бағытталған.