«ЖОҒАРЫ ОҚУ ОРЫНДАРЫН ИНТЕРНАЦИОНАЛДАНДЫРУ: ЖОҒАРЫ ОҚУ ОРЫНДАРЫНЫҢ ХАЛЫҚАРАЛЫҚ ТАНЫМАЛДЫЛЫҒЫ»
Қарағанды индустриялық университеті 2023 жылғы 23-24 ақпанында Алматы қаласында Қаныш Сәтбаев атындағы Қазақ ұлттық техникалық зерттеу университетінде өткен «Internationalization of higher education institutions: International visibility of HEIs» семинарының жұмысына қатысты. Семинарды Қазақстан Республикасының Ғылым және Жоғары білім министрлігі университеттердің тәжірибесін ескере отырып, Қазақстанның жоғары оқу орындарында интернационалдандыру механизмдерін жетілдіру бойынша ұсынымдар әзірлеу мақсатында ұйымдастырды. Бұл іс-шараға еліміздің түкпір-түкпірінен халықаралық қызмет мәселелерімен айналысатын университеттердің өкілдері шақырылды.
Семинар барысында ЖОО интернационалдандырудың негізгі бағыттары бойынша өзекті мәселелер және академиялық ұтқырлық бағдарламасын іске асыру, шетелдік ғалымдарды тарту мәселелері талқыланды. Семинардың спикерлері АҚШ елшілігінің, Британдық Кеңестің, Erasmus+ Ұлттық кеңсесінің қызметкерлері және көші-қон қызметінің өкілдері болды.
Өңірлік жоғары оқу орындарының басшылары шетелде университеттер филиалдарын ашу және стратегиялық әріптестік орнату тәжірибесімен бөлісті.
Семинар нәтижелі және жемісті өтті, өзекті мәселелер талқыланып, оларды шешу бойынша ұсыныстар берілді.
Просмотров: 1 727