Теміртау қаласы күні мен Еңбек күні мерекелерінің қарсаңында 2023 жылғы 28 қыркүйекте Қазақстан Республикасы Тұңғыш Президентінің Теміртау қаласының тарихи-мәдени орталығы «Өмір жолы өнеге» тақырыбында дөңгелек үстел ұйымдастырып, өткізді. Іс-шараға Қарағанды индустриялық университетінің студенттері, Теміртау қаласының алғашқы құрылысшылары мен еңбек ардагерлері қатысты, олардың бірі Бірлікбай Кемалұлы Ордабаев. Іс-шара барысында студенттер қаланың қалыптасуы, қаланың дамуына елеулі үлес қосқан Теміртау қаласының төрт еңбек ардагер тұрғындарының өмірі мен қызметі жайлы, қала туралы көптеген жаңа қызықты деректер туралы көп мағлұмат алды.
Еске сала кетейік, 1 қазанда Теміртауда қала күні атап өтіледі. Биыл қаламыздың іргетасының қаланғанына 78 жыл толады.
Просмотров: 146