«Қарағанды индустриялық университеті» КеАҚ 2023 жылғы 17 қазанда Қарағанды индустриялық университетінің 60 жылдық мерейтойына арналған Қарағанды облысының жоғары оқу орындары мен колледждерінің студенттері үшін Хакатон өткізеді.
Бұл Хакатон – машиналық оқыту, нейрондық желілер, «Заттар интернеті», экология, ақпараттық қауіпсіздік және криптоқорғау салаларындағы өзекті міндеттерді шешуге бағытталған Қарағанды облысының жоғары оқу орындары мен колледж студенттерінің білім беру, жобалау және коммуникациялық форумы.
Хакатонның Мақсаты – Хакатон бағыттары бойынша ең перспективалы жобалық шешімдерді әзірлеген командаларды анықтау және кәсіби дамыту.
Өткізу тәртібі
Хакатонға қатысу үшін келесі бағыттар бойынша орындалған жобалар қабылданады:
- «Жасанды интеллект және машиналық оқыту: генеративті нейрондық желілер»;
- «Экологиядағы IT- технологиялар»;
- «Ақпараттық қауіпсіздік және киберқауіпсіздік»;
- «Қоғамдық өмірдегі және өнеркәсіптегі Заттар интернеті».
Қатысушы командалар жоғарыда аталған бағыттар бойынша әзірленген өз жобаларын қазылар алқасы мүшелерінің алдына ұсынады.
Жоба қазақ, орыс немесе ағылшын тілдерінде ұсынылуы мүмкін.
Жобаларды таныстырудың ұзақтығы-10 минуттан аспайды.
Жобаны талқылау, сұрақтарға жауап беру – 5 минуттан аспайды.
Өткізу күні: 17 қазан 2023 ж.
Өткізу орны: Теміртау қаласы, Республика даңғылы, 30, Қарағанды индустриялық университеті, Жаңа корпус, 223 дәрісхана.
Хакатонның ұйымдастырушылары мен демеушілері
Хакатонның ұйымдастырушысы және демеушісі Қарағанды индустриялық Университеті болып табылады.
Хакатонға қатысуға өтініш беру
Хакатонға қатысушы 2023 жылдың 14 қазанына дейін төмендегі нысан бойынша Хакатон ұйымдастыру комитетінің электрондық поштасына қатысуға өтінім жіберуі керек tii@tttu.edu.kz:
1)қатысушының (қатысушылардың) аты-жөні;
2) ЖОО/колледж атауы;
3) топ;
4)таңдалған бағыт (ұсынылған 4 бағыттың 1-і);
5) жобаның атауы;
6) команда басшысының ТАӘ (бар болса);
7) байланыс телефоны (WhatsApp-пен);
8) байланыс e-mail.
Қатысу шарттары
Хакатонға жеке және командалық қатысуға рұқсат етіледі. Қатысушылар саны-1 команда құрамында 4 адамнан аспайды. Бір білім беру мекемесімен командалар саны шектелмейді. Хакатонға тек алаңда болған жағдайда ғана қатысуға болады.
Жоғары оқу орындары мен колледждердің оқушылары үшін Хакатонға қатысу тегін. Көлік шығындары, сондай – ақ тамақтануға байланысты шығындар-қатысушының немесе жіберуші тараптың есебінен.
Хакатонға қатысуға дұрыс толтырылған өтінім берген тұлға Хакатонға қатысушы болып танылады.
Хакатонның әрбір қатысушысының міндеті-Хакатонның 4 бағытының біріне сәйкес жобаны әзірлеу.
Әзірленген жобалық шешім төменде келтірілген жаңалықтың, өзіндік ерекшеліктің және критерийлердің талаптарын қанағаттандыруы керек.
Бағалау критерийлері
Қазылар алқасы жобалық шешімдерді келесі критерийлердің жиынтығы бойынша 10 балдық шкала бойынша бағалайды:
1) жобалық идеяның Хакатонның белгіленген 4 бағытының біріне сәйкестігі;
2) жобалық шешімнің өзіндік ерекшелігі мен инновациялылығы;
3) техникалық шешімнің пысықталуы;
4) ұсынылған жобалық шешімнің экономикалық тиімділігі;
5)презентациялық материалдарды дайындау және сөз сөйлеу сапасы.
6) жобалық шешімнің әлеуеті.
Қорытындылау
- Хакатонның қорытындысын ұйымдастыру комитеті шығарады, хаттамамен ресімделеді.
- Хакатонның барлық қатысушыларына қатысу туралы сертификаттар беріледі.
- Жеңімпаздар бағалы сыйлықтармен марапатталады.
Просмотров: 388