Дәстүр бойынша 1 қыркүйек Білім күні Қарағанды индустриялық университетінде 1 курс студенттерімен ұйымдастырушылық кездесу өткізілді. Жаңа оқу жылы да күн тәртібінен тыс қалмады. Бүгінгі таңда университетіміз Қазақстанның барлық аймақтарынан келген 800 астам студенттерге есігін қонақжайлықпен айқара ашты.
Іс-шараның басында Басқарма төрағасы – ҚарИУ ректоры, биология ғылымдарының докторы, профессор Болатбек Серікбайұлы Әбдірәсілов құттықтау сөз сөйлеп, 1 курс студенттерін мерекелерімен құттықтап, оқуларына сәттілік тілеп, университетіміздің даму перспективалары туралы әңгіме өрбітті.
Сондай-ақ Академиялық мәселелер жөніндегі проректор Галина Сивякова, Ғылыми істер және халықаралық байланыстар жөніндегі проректоры Болат Махмұтов және үш факультет декандары жаңадан оқуға түскен студенттерді студенттік өмірге қадам басқандарымен құттықтады.
Іс-шара барысында студенттеріміз үшін «Танысайық» атты бірыңғай кураторлық сағат өткізілді, онда 1 курс студенттері университет басшылығымен, университетіміздің тарихымен және, факультеттердің, кафедралардың және құрылымдық бөлімшелердің қызметімен олардың даму перспективаларымен таныстырылды.
Бірінші курс студенттері ҚарИУ материалдық-техникалық базасымен, оқу кабинеттерімен, оқу корпустарымен, зертханаларымен, кітапханасымен және оқу залымен, 2023-2024 оқу жылының оқу күнтізбесімен, ҚарИУ студенттерінің Ішкі тәртіп ережелерімен,. студенттердің Академиялық адалдығы кодексімен, студенттерінің этика ережелерімен, таныстырылды, сондай-ақ өрт қауіпсіздігі бойынша нұсқау өткізілді.
Кураторлық сағаттың соңында барлық студенттер КариУ тарихы мұражайына барды.
Сонымен қатар, бірінші қыркүйектен бастап Қарағанды индустриялық университетінде Бірінші курс апталығы басталды, бұл университетке түскен студенттердің, қоғамға араласуына жаңа ұжымға және студенттік өмірге бейімделуіне мүмкіндік береді.
Бейімделу апталығында жаңадан оқуға түскен студенттерге арналған студенттік өзін-өзі басқару органдарының семинар-презентациялары, Денсаулық фестивалі және қалалық тарихи-өлкетану мұражайына, Қысқы баққа, Қазақстан Республикасы Тұңғыш Президентінің тарихи-мәдени орталығына экскурсиялар ұйымдастырылады.
Біздің бірінші курс студенттері Теміртау, Алматы, Түркістан, Қызылорда, Жамбыл, Маңғыстау облыстары мен Қарағанды облысының барлық аудандарындағы мектептердің үздік түлектері деп сеніммен айта аламыз.
Студенттік жылдар ең жарқын және есте қаларлық сәт. Алда дәрістер мен семинарлар, ғылыми конференциялар мен спорттық жарыстар, жарқын іс-шаралар мен фестивальдар, байқаулар, пікірсайыстар және т.б. өтетін төрт жыл студенттік өмір күтіп тұр.
Құрметті бірінші курс студенттері! Сіздерді Қарағанды индустриялық университетіне оқуға түсулеріңізбен құттықтаймыз және біздің университетті бітіргеннен кейін білікті маман болатындарыңызға сенімдіміз.
Қымбатты достар, баршаңызға оқуда жақсы табыстар және университет қабырғасында оқуларыңыз жемісті болуын тілейміз!
