2023 жылы 07 қыркүйекте Қарағанды индустриялық университетінің студенттердің өзін-өзі басқару органдарының мүшелері бірінші курс студенттерімен кездесу өткізді.
Барлық мамандықтардың бірінші курс студенттеріне ректордың кеңесшісі, т.ғ.д., профессор Өмірбек Үмбетовұлы Үмбетов құттықтау сөз сөйледі. Жиынға үш факультеттің декандары, жатақхана жееткшілері, студенттік топтардың кураторлары қатысты. Сондай-ақ шақырылған қонақтар «Шаңырақ» еріктілер орталығының жетекшісі Дильназ Серікова мен Теміртау қалалық жастар ресурстық орталығының директоры Наурыз Елемесов сөз сөйледі.
Кездесу барысында 1 курс студенттері университеттің құрылымымен толығырақ танысып, өз факультеттерінің декандарымен, жатақхана меңгерушілерімен және жатақханада тұру ережелерімен, жалпы қағидаларымен, Студенттік өзін-өзі басқару органдары мен Студенттік кеңестердің жұмысы туралы, сондай-ақ Тәрбие жұмысы және жастар саясаты департаментінің «Шаңырақ» волонтерлік орталығымен және Теміртау қаласының Жастар ресурстық орталығымен бірлескен жұмыс жоспарларымен танысты.
кездесу барысында ҚарИУ Жастар ісі жөніндегі комитеті мен Студенттік Парламентінің құрылымы жан-жақты қарастырылды, 1 курс студенттері арасында алдағы іс-шараларға қатыстыру мақсатында белсенділерді анықтау мақсатында сауалнама жүргізілді.
Белгілі, студенттік өзін-өзі басқару университетіміздің өмірінде үлкен рөл атқарады, бұл өте маңызды және жауапты жұмыс. ҚарИУ студенттік өзін-өзі басқару ұйымының қызметі сапалы білім беруге, студенттердің рухани және мәдениетін тәрбиелеуге, студент жастардың қоғамдық белсенділік пен жауапкершілікте өсуіне бағытталған оқу процесін жетілдіруге бағытталған. Кездесу аясында бейнебаян ұсынылды, онда қатысқан 1 курс студенттері студенттердің өзін-өзі басқаруына қатысудың маңыздылығын өздері анықтай алды.
Просмотров: 179