2023 жылдың 12-13 қазанында Астана қаласында өткен «Digital Bridge 2023» ірі халықаралық IT форумына «Бағдарламалық инженерия -23» тобының бірінші курс студенттері – Вячеслав Нем, Евгений Степанов, Владислав Острейко қатысты.
Форумның негізгі тақырыбы Artificial and Human Intelligence: The right balance қазіргі әлемдегі жасанды интеллекттің рөлін талқылау.
Екі күндік форум бағдарламасына Мемлекет басшысының қатысуымен пленарлық отырыс және онымен one-to-one кездесулер, халықаралық спикерлермен 30+ панельдік сессиялар, келісімдерге қол қою, Google компаниясының іс-шаралары, стартаптар туралы «Meet the Drapers» реалити-шоуды түсіру, Digital Bridge Awards, Astana Hub Battle, Startup Alley, бос жұмыс орындар жәрмеңкесі және бірқатар көрмелер – корпорациялар, робототехника, VC, IT мектептері және аймақтық IT хабтар сияқты ауқымды іс-шаралар қарастырылды.
Digital Bridge 2023 ұйымдастырушылары Қазақстан Республикасының Цифрлық даму, инновациялар және аэроғарыш өнеркәсібі министрлігі, Астана қаласының әкімдігі және Astana Hub халықаралық технопаркі болды. Бас демеуші – Kaspi.kz.
Digital Bridge Awards форумына қатысуға Қазақстан, Пәкістан, Сингапур, Моңғолия, Қырғызстан, Әзірбайжан, Тәжікстан, Ресей, Өзбекстан және АҚШ елдерінен 337 өтінім келіп түскен. Биыл жеті номинация бойынша цифрландыру саласының үздіктері анықталды.
Форум аясында үздік IT-стартаптар сайысы өткізілді: Astana Hub Battle. Сондай-ақ Startup Alley ұйымдастырылды, онда 100 астам қазақстандық және шетелдік технологиялық стартаптар таныстырылды.
Форум барысында біздің студенттеріміз жасанды интеллектті қолданумен жеткізу қызметтерін жүзеге асыру бойынша дрондарды пайдалануға қатысты жобаларын ұсынды. Жобаны қазылар алқасы бағалады, қызығушылық танытты және әрі қарай дамыту үшін құнды кеңестер ұсынды.
Просмотров: 394