Қарағанды индустриялық университетінің студенті Тілеуберген Қаршыға Ордабайұлы «В057 – Бағдарламалық қамтамасыз ету инженериясы» білім беру бағдарламасы бойынша Қазақстан Республикасы Ғылым және жоғары білім министрлігінің қолдауымен академиялық ұтқырлық бағдарламасы аясында Польшада білім алып жатыр.
Біздің студентіміздің айтуынша: «Мен академиялық ұтқырлық шетелдік серіктес университетте академиялық кезеңдегі оқуды қамтитынын білетінмін. Білімімді таразылай келе, академиялық ұтқырлық бағдарламасы аясында шетелде толық академиялық семестр бойы тегін оқу үшін ҚарИУ Ғылым және халықаралық ынтымақтастық департаменті ұйымдастырған конкурсқа қатыстым. Іріктеу кезеңінен сәтті өттім.
Мен академиялық семестрді білім беру жоғары деңгейде жүргізілетін «Politechnika Częstochowska» мықты университетте өткіземін. Мен үшін студенттермен алмасу бағдарламасы жақсы болды, өйткені адам өзін басқа жерде, басқа жағдайда сынап көреді, мінезін сынайды. Бұл менің өмірімнің ең қарқынды алты айы, олар менің әлем туралы түсінігімді өзгертті, маған көптеген әсерлер мен ақпараттар берді, сонымен қатар менің туған үйіме, отбасыма, туған еліме деген сүйіспеншілігімді күшейтті. Мен Қазақстан Республикасының Ғылым және жоғары білім министрлігіне, сондай-ақ университетіміздің басшылығына шетелде болған кезде көрсеткен қолдауы және маған берілген мүмкіндік үшін алғыс айтамын!».
Біздің студентіміз туған еліне көктемге жақын оралады.
Атап өту қажет, Politechnika Częstochowska (Ченстохов политехникалық университеті) – бұл Честохова аймағында орналасқан ең көне және ең үлкен оқу орны. Бүгінгі таңда университетте 6 мыңнан астам студент және 800 жуық академиялық оқытушылар еңбек етеді. Бұл университет халықаралық форумдарда көптеген қызмет түрлерін жүзеге асырады. Оның ішінде негізінен Еуропалық Одақ қаражатынан қаржыландырылатын жобалар аясында шетелдік серіктестермен бірлескен ғылыми-зерттеу және оқыту бағдарламаларын жүзеге асырады. Университетте білім беру жүйесі жақсы дамыған және халықаралық тәжірибе алмасу бағдарламалары жүзеге асырылады.
