8 наурыз – Халықаралық әйелдер күні қарсаңында Қарағанды индустриялық университетінің алаңында «Көктем аруы – 2024» қалалық конкурсы өтті.
Қаламыздағы жеті оқу орнынан жеті қатысушысы бақ сынасты:
1. Тургумбаева Жасмина Сайдулаевна – «Қарағанды индустриялық университеті» КеАҚ студенті;
2. Сағат Айғаным Асылжанқызы – Техника-экономикалық колледж студенті;
3. Нурмуратова Акгуль Туракбаевна – Темиртау кәсіпті-техникалық колледж студенті;
4. Алимханова Зарина Уалихановна - «Мирас» Теміртау көп бейінді колледж студенті;
5. Граденко Анастасия Александровна - Теміртау техникалық колледж студенті;
6. Аделхан Арман - Теміртау индустриялық-технологиялық колледж студенті;
7. Бекназарова Аружан Бекзадовна – Теміртау жоғары политехникалық колледж студенті.
Жас қатысушылар өздерін барлық өнерлерін көрсетіп, білімдерін паш етті және бізді таңғажайып таланттарымен қуантты! Конкурс дәстүрлі түрде сән көрсетілімінен басталып, арулар өздерінің сымбатты қимылдары мен күлкілерін көрсетті. Содан кейін олар конкурстық шығармашылық кезеңінде өз өнерлерін ұсынды.
Іс-шараға Теміртау қаласының Жастар ресурстық орталығы демеушілік жасады.
Байқаудың жеті қатысушысы да жеңімпаздардың дипломдарымен, естелік ленталармен және бағалы сыйлықтармен марапатталды.
Бас сыйлық - «Көктем аруы - 2024» атағын Сағат Айғаным Асылжанқызы (ҚарИУ жанындағы ТЭК) иеленді. Оған жеңімпаз тәжі және 100 000 теңгелік сетрификат табысталды. Вице-Мисс «Көктем аруы» Бекназарова Аружан Бекзадовна (ТВПК колледжі) және Тургумбаева Жасмина Сайдулаевна (ҚарИУ) атанды, оларға да 50 000 теңгелік сетрификат берілді. «Өнерлі ару- 2024» -Граденко Анастасия Александровна (ТТК колледжі), «Инабатты ару - 2024» -Аделхан Арман (ТИТК колледжі), «Көрікті ару – 2024» -Нурмуратова Акгуль Туракбаевна (ТПТК колледжі) және «Білімді ару – 2024» - Алимханова Зарина Уалихановна (ЧУ ТМК Мирас колледжі).
Әділқазылар алқасының құрамына Теміртау қаласы бойынша Қазақстанның іскер әйелдер қауымдастығының төрағасы Арыстанова Наталья Ивановна және Теміртау қаласы тілдер ресурстық орталығының басшысы Қадырова Гүлнар Шайзуллқызы, Ішкі саясат бөлімінің басшысы Олжабаева Гүлмира Серікқызы кірді.
Барша құрметті қатысушыларымызды осы көктемгі жарыстағы лайықты марапаттарымен тағы да құттықтаймыз және тамаша мереке – Халықаралық әйелдер күні қарсаңында адамзаттың сұлу жартысына көктемгі көңіл-күй, мәңгілік сұлулық және армандары орындалсын деп тілейміз!
