25 ақпан күні «Экономика және бизнес» кафедрасында Еңбек экономикасы және қаржылық сауаттылық мәселелеріне арналған қызықты квиз өтті. Іс-шараны доцент Турабаева М.Б. және аға оқытушы Ақмағанбетова А.С. ұйымдастырып, жүргізді.
Квиз бес кезеңнен тұрды, олардың әрқайсысы студенттердің аналитикалық, логикалық және коммуникативтік дағдыларын дамытуға бағытталды:
Командалармен танысу – қатысушылар өз командаларын таныстырып, креативтілік пен командалық рухты көрсетті.
«Ұяшық» ойыны – студенттердің эрудициясы мен жылдам ойлау қабілетін сынайтын интеллектуалды жарыс.
Сұрақ-жауап – командалар еңбек экономикасы мен қаржылық сауаттылық бойынша теориялық сұрақтарға жауап берді.
Есептер шығару – командалар алған білімдерін практикада қолданып, тақырып бойынша қолданбалы есептерді шешті.
Рөлдік ойындар – студенттерді шынайы экономикалық жағдайларға енгізіп, шешім қабылдау дағдыларын көрсетуге мүмкіндік беретін интерактивті формат.
Квиз қорытындысы бойынша жеңімпаздар мен белсенді қатысушылар бағалы сыйлықтармен марапатталды, бұл іс-шараның жағымды аяқталуына себеп болды.
Өткен квиз студенттердің білімін тереңдетіп қана қоймай, олардың командалық жұмыс, сыни ойлау және қаржылық сауаттылық дағдыларын дамытуға ықпал етті. Барлық қатысушылар мен ұйымдастырушыларға жемісті және қызықты жұмыстары үшін алғысымызды білдіреміз!
