Қарағанды индустриялық университетінде «TemirTau-2023» мектеп және колледж оқушылары үшін жыл сайынғы қалалық Хакатон өтті
6 сәуір күні Қарағанды индустриялық университетінде «TemirTau-2023» мектеп және колледж оқушыларына арналған жыл сайынғы қалалық Хакатон өтті. Оны дәстүрлі түрде «Жасанды интеллект технологиялары» кафедрасы ұйымдастырып келеді. Хакатонның салтанатты ашылу рәсімінде ғылыми жұмыс және халықаралық байланыстар жөніндегі проректор Махмутов Болат Бижанұлы және академиялық мәселелер жөніндегі проректор Сивякова Галина Александровна қатысушыларына құттықтап, әзірленген IT-жобалардың сәтті қорғауын тіледі.
«TemirTau-2023» қалалық Хакатонына қатысуға Теміртау жоғары политехникалық колледжі, Қарағанды индустриялық университеті жанындағы Техникалық-экономикалық колледжі, Теміртау техникалық колледжі, №9 лицейі, № 14 мектеп-лицейі, № 20 мектеп-лицейі, №17 және №27 жалпы білім беретін орта мектептері өкілдерінен 12 жоба келесі бағыттар бойынша келіп түсті:
- «Экология саласындағы цифрлық шешімдер»;
- «Нейрондық желілер және жасанды интеллект»;
- «Айналамыздағы Smart технологиялары».
Хакатонды өткізу кезінде қатысушы командалар қазылар алқасының алдында аталған бағыттар бойынша әзірленген өз жобаларын ұсынды. Аталған шарада Ленский Даниил Васильевич-«АрселорМиттал Теміртау»ЖИВЦ 2 санатты инженер – бағдарламашы-желілік әкімшісі, Титова Жанна Ивановна – «КарИУ» КЕАҚ «жасанды интеллект технологиясы» кафедрасының аға оқытушысы және Қосаева Ұлжан Ермолқызы-«Қариу» КЕАҚ «бағдарламалық инженерия» білім беру бағдарламасының ПИ-20к тобының студенті қазылық етті.
Қазылар алқасы әр жобаны келесі критерийлер жиынтығы бойынша 10 балдық шкала бойынша бағалады:
1) жобалық идеяның Хакатон бағыттары шеңберінде қойылған міндетке сәйкестігі;
2) жобалық шешімнің өзіндік ерекшелігі мен инновациялылығы;
3) техникалық шешімнің пысықталуы;
4) ұсынылған жобалық шешімнің экономикалық тиімділігі;
5)презентациялық материалдарды дайындау және сөз сөйлеу сапасы.
6) жобаның әлеуеті.
Хакатонның нәтижелері бойынша жүлделі орындар келесідей бөлінді.
Бірінші орынды №20 мектеп-лицей КММ командасы Лазарев Даниил, Кочетов Артемий, Константиниди Иван (команда жетекшісі – Хаметова Амина Жұлдызбекқызы) иеленді. Олар «3D принтерге арналған PET пластикті қайта өңдеу» жобасын ұсынды.
Қазылар алқасы екінші орынды Теміртау жоғары политехникалық колледжі студенті , «Дауыстық ассистент – Amadeus» жобасын ұсынған (жетекшілері: Шалғанбай Гауһар Жаңапияқызы, Өмірбаев Абай Рашидович) Шмидт Дмитрийге табыстады.
Үшінші орынды №20 мектеп-лицей КММ өкілі Кочетов Артемий иеленді, ол «плазмалық ионизатор» жобасын әзірледі (жетекшісі – Ахмет Ализ).
Хакатон жеңімпаздарына жүлделерді тапсыру 2023 жылғы 11 сәуірде Қарағанды индустриялық университетінде өтеді.
Просмотров: 1 150