Қарағанды индустриялық университетінің базасында «Салауатты университеттер» жобасы аясында Қарағанды қаласы «Мерей» сауықтыру орталығының психологы Жанар Ерқанағатқызы Тамабаева 1 курс студенттері арасында қорқыту (буллинг) пен кибербуллингтің алдын алу бойынша семинар өткізді.
Іс-шараның мақсаты: жасөспірімдер арасындағы бұзақылық тақырыбына студенттер назарын аудару, оқушыларға қорқыту (буллинг) мен кибербуллингке дұрыс қарсы тұру жолдарын түсіндіру.
Іс-шара барысында спикер семинарға қатысушыларды қорқыту түсінігімен және кибербуллингтің ерекшеліктерімен, сондай-ақ жастар арасындағы бұзақылықтың алдын алу және онымен күресу бойынша қазіргі заманғы ресурстармен таныстырды. Қатысушылар мұндай жағдайларда өзін қалай ұстау керектігі туралы негізгі ұсыныстарды талқылады. Бейне презентация мысалында қиын жағдайдан шығу әдістері талданып, студенттерге психологиялық және әлеуметтік қолдау көрсету бойынша практикалық ұсыныстар берілді.
Кездесу соңында студенттеріміз соңғы кездері мемлекетімізде дені сау ұлтты тәрбиелеу мақсатында топта өзара әрекеттесу, қолайлы климатты сақтау мәселелеріне үлкен көңіл бөлінетінін атап өтті.
Айта кету керек, құрдастардың қорқытуы білім беру ұйымдарында жиі кездесетін мәселелердің бірі болып табылады, бұл жасөспірімдер арасында өз-өзіне қол жұмсау қаупін айтарлықтай арттырады, топта және мекемеде агрессия мен зорлық-зомбылықтың өршуіне, оқу үлгерімінің төмендеуіне, эмоционалды және невротикалық проблемалардың туындауына әсер етеді.
Буллинг және кибербуллинг – бұл қылмыс болып табылады. Қорқыту мәселесіне көз жұмып немесе оны төмендете алмайтыныңызды түсіну маңызды. Назар аударып, түсіну маңызды. Қатысу және қолдау көрсету арқылы сіз адамның өмірін сақтай аласыз. Өтіп кетпеңіз!
Просмотров: 598