5 қазанда Қазақстанда ұстаздардың кәсіби мерекесі тойланады. Айтпақшы, ұстаздар күні елімізде алғаш рет осы күнде тойланып отыр.
2023 жылдың 10 наурызында елімізде Ұстаздар күнін тойлау күні өзгертілгені белгілі. Мемлекеттік мерекелер тізбесіне сәйкес, республикада Ұстаздар күні қазан айының бірінші жексенбісінде аталып өтілді. Үкімет қаулысымен бұл мерекені мерекелеу 5 қазанда әлемнің 100 астам елінде атап өтілетін Дүниежүзілік Ұстаздар күнімен сәйкестендірілді.
Ұстаз мамандығынан мейірімді мамандық жоқ, өйткені ұстаздар шәкірттеріне жылулық, сүйіспеншілік пен білім береді, сондықтан олар тек осы күні ғана емес, әрқашан басқалардың жылуы мен сүйіспеншілігіне бөленсін.
Құрметті ұстаздар және ұстаз еңбек ардагерлері!
Сіздерді кәсіби мерекелеріңіз – Халықаралық Ұстаздар күнімен шын жүректен құттықтаймыз.
Бұл мереке – барша ұстаздарымызға шексіз алғыс білдіруге, өз өнегелерімен мейірімділікке, әділеттілікке, адамгершілікке баулыған алғашқы ұстазымызды еске алудың тамаша сәті.
Құрметті ұстаздар! Сіз өзіңіздің жанкештілігіңізбен, тынымсыз еңбегіңізбен және үздіксіз шығармашылық ізденістеріңізбен ертеңгі күннің іргетасын қалап отырсыз. Мамандыққа деген адалдықтарыңыз бен студенттерімізге деген қамқорлықтарыңыз үшін рахмет!
Осы даңқты мамандықтың барлық өкілдеріне денсаулық, бақыт, таусылмас қуат және шығармашылық өрлеу тілейміз!
Просмотров: 512