Қарағанды индустриялық университетінің спорт кешенінде оқу орнының 60 жылдық мерейтойына арналған волейболдан ерлер және қыздар арасында қалалық турнир болып өтті. Турнирде Қарағанды индустриялық университетінің, Теміртау қаласы колледждерінің және Қарағанды «Болашақ» волейбол командасының ойыншылары, барлығы 10 команда бақ сынады. Турнирдің жоғары деңгейде өтуіне Теміртау қаласының спорт қоғамы және спорт ардагерлері Кеңесінің жетекшісі, КСРО мен Қазақстанның еңбек сіңірген жаттықтырушысы Қ.М. Сүйімбаев және университеттің дене мәдениеті пәні оқытушылары белсене атсалысты. Ойын өте тартысты және қызықты өтті.
Турнир нәтижесі бойынша қыздар арасында 3-орынды Қарағанды қаласының «Болашақ» волейбол командасы иемденсе, 2-орынды Қарағанды индустриялық университетінің волейбол командасы, ал 1-орынды Теміртау қаласының «Мирас» колледжі командасы жеңіп алды. Ерлер арасында 3-орынды Қарағанды қаласының «Болашақ» волейбол командасы, 2-орынды Жоғары политехникалық колледжі иемденсе, ал 1-орынды Қарағанды индустриялық университетінің командасы жеңіп алды. Жеңімпаз командаларға дипломдар мен бағалы сыйлықтар, кубоктар тапсырылды. Ойыншылар жарысты тамашалаған көрермендерге жақсы көңіл-күй сыйлап, достық пен сыйластықтың үлгісін көрсете білді. Ойында жеңіске қол жеткізе алмаған командалар алдағы уақыттарда биік шыңдардан көрінеді деп сенеміз.
Просмотров: 365