KARIU STUDENT ILYANA AKMALOVA BECAME THE WINNER OF THE COMPETITION "THE BEST YOUNG SCIENTIST -2023"
Ағымдағы жылдың 8 желтоқсанында “Үздік жас ғалым -2023”ғылым мен білімнің жас мамандарының халықаралық байқауы өтті. Байқау Тәуелсіз Мемлекеттер Достастығының ғылыми-білім беру мекемелерінің студенттері арасында Үздік жас ғалымдарды анықтау мақсатында өткізілді.
“Металлургия және машина жасау” факультетінің ХТОВ-23нп 1 курс магистранты Ақмалова Ильяна Мансуровна II дәрежелі диплом иегері атанды және білім, ғылым, спорт және мәдениетке қосқан үлесі үшін “Үздік жас ғалым -2023” төсбелгісімен марапатталды. Оның ғылыми жетістіктері “Бөбек” Жалпыұлттық қозғалысы “қауымдастығы нысанында заңды тұлғалар бірлестігі ұйымдастырған Тәуелсіз Мемлекеттер Достастығының ғылыми - білім беру мекемелері арасында “Үздік жас ғалым-2023”халықаралық кітап басылымында жарияланды.
“Үздік жас ғалым – 2023” жобасына ғылымды дамыту үшін ортақ біріктіруші алаң құру мақсатында халықаралық ынтымақтастық шеңберінде Қазақстан Республикасының, Ресей Федерациясының, Беларусь Республикасының, Өзбекстанның, Тәжікстанның, Қырғызстанның және т.б. жас ғалымдары мен студенттері қатысты.
Жоба қатысушыларына “Үздік жас ғалым -2023” жинағы, “үздік жас ғалым - 2023” төсбелгісі, еңбегі туралы куәлік және I, II, III дәрежелі дипломдар, сондай-ақ кітаптың электрондық нұсқасы табыс етілді.
Акмалова Иляна Мансуровнаны лайықты жеңісімен құттықтаймыз және оған шын жүректен денсаулық, сәттілік және одан әрі биіктер тілейміз! Алда осындай көптеген марапаттар мен сәтті жобалар күтіп тұрсын!
