«Атамекен» Ұлттық кәсіпкерлер палатасы Төралқасы жанындағы Корпоративтік басқару жөніндегі Ұлттық кеңес пен «Qazaq Independent Directors» Қазақстандық тәуелсіз директорлар қауымдастығының бастамасымен «Білім берудегі корпоративтік басқару: тәжірибе және перспективалар» атты ұлттық форумы өткізілді. Корпоративтік басқару саласындағы халықаралық және қазақстандық сарапшылар, бизнес жетекшілері, сондай-ақ мемлекеттік органдар мен ұлттық холдингтердің өкілдері бір алаңға жиналды. Форумға сондай-ақ «ҚарИУ» КеАҚ Директорлар кеңесінің төрағасы Жасұлан Құдайбергенұлы Шаймарданов және корпоративтік хатшы Рымгүл Қуатқызы Жаслан қатысты.
Биылғы форумның басты тақырыбы: «Корпоративтік басқару – Қазақстан Республикасының экономикасын ырықтандырудың императиві». Форумның пленарлық отырыстары келесі мәселелерге арналды: «Қазақстан Республикасының корпоративтік басқаруындағы өзекті міндеттер» және «Корпоративтік басқару ұзақ мерзімді табыс формуласы ретінде». Сонымен қатар, қатысушылар аудиторлық компаниялардың, қаржы институттарының және даму қорларының жетекші мамандарының төрт панельдік талқылауына, сондай-ақ халықаралық сарапшылардың интерактивті шеберлік сабақтарына қатысты.
Форум барлық мүдделі тараптарға корпоративтік басқарудың негізгі мәселелерін талқылауға және оның озық тәжірибесін енгізу бойынша тәжірибе алмасуға бірегей мүмкіндік жасауға арналған.
