Ауғанстандағы соғыс қаһармандық пен қасіретке айналды. Ол 10 жылдан астам уақытқа созылды. Алып социалистік державаның құрамында болған қазақ жері сол соғыста орасан зор шығынға ұшырады. Ауғанстандағы интернационалдық борышын өтеуге біздің республикадан барлығы 22 мыңға жуық адам жіберілді. 947 адам қаза тауып, 1770 адам жарақат алды.
Ауғанстан ардагерлері соғыстың қаншама қасірет әкелгенін біледі. Бірақ өскелең ұрпақ сол сұрапыл жылдардағы оқиғаларды, интернационалдық борышын ерлікпен өтеген қаһарман адамдарды еске алуы керек. Өйткені, Ауған соғысының тарихы жауынгерлердің қанымен, аналарының, әйелдерінің, балаларының көз жасымен жазылған.
13 ақпанда Қарағанды индустриялық университетінде Кеңес әскерлерінің Ауғанстан жерінен шығарылғанына 36 жыл толуына арналған қалалық конференция өткізілді. Жиынның құрметті қонақтары – теміртаулық интернационалист-жауынгерлер Сергей Арещенко, Айдар Құлатаев және Николай Бельянин. Олар жас болса да сол кезде Отанын қорғауға қорықпай қарсы шықты.
«Бүгінгі таңда Ауғанстандағы оқиғаларды өзгертуге болмайтын тарих, бірақ одан сабақ алуға болады», - деп атап өтті алғы сөзінде ҚарИУ аппаратының басшысы Сапар Хамитов.
Құрметті Ауғанстан ардагерлері! Сіздің өмір жолыңыз – жас ұрпақ үшін шынайы патриотизмнің, жауапкершілік пен кемелдіктің үлгісі. Бүгінгі конференция жастардың назарын сол сұмдық оқиғаларға аударуға тағы бір себеп болсын. Соғыстан асқан қорқынышты ештеңе жоқ!
Ауғанстан ардагерлері өздері туралы: әскерде қалай қызмет еткендері, соғысқа қалай келгендері туралы айтып берді. Ауғанстандағы кезіндегі жарқын естеліктерімен бөлісті. Студенттер өз кезегінде мұндай кездесулердің маңызы зор екенін атап өтті. Ардагерлермен тікелей кездесу барлық шындықты өз аузынан білуге мүмкіндік береді.
Конференцияның ресми бөлімі үш секция бойынша өтті: «Ауғанстан: трагедия және ерлік» атты баяндама; «Ауған соғысы туралы...» өлеңдерді мәнерлеп оқу: музыкалық шығарманы орындау.
Үш секцияның қорытындысы бойынша орындар келесідей бөлінді:
№1 Секция
1 орын – Ольга Москвина (ҚарИУ)
2 орын –Артем Фрадкин (ТТК)
3 орын –Әділбек Дінислам (ТВПК)
№2 Секция
1 орын - Тургымбаева Жасмина (ҚарИУ)
2 орын - Алимбек Ерасыл (ҚарИУ)
3 орын - Ребекка Штоль (ЧУ “ТВМК”)
№3 Секция
1 орын - Владимир Попов (ТВПК)
2 орын - Альберт Дирксен (ТВПК)
Конференция жеңімпаздары қала әкімдігінен құрмет грамоталарын, сондай-ақ Теміртау қаласының ЖРО бағалы сыйлықтарын алды.