2025 жылғы 13 тамызда Қарағанды индустриялық университеті (ҚарИУ) халықаралық ынтымақтастықты нығайту және студенттер құрамының географиясын кеңейту бағытындағы жұмысты жалғастырды. Осы күні университет ректоры Бахыт Ахатович Жаутиковқа Ауғанстан Ислам Республикасының Елшілігінен ресми алғыс хат табысталды.
Бұл алғыс хатты ҚарИУ-дың магистратурасын сәтті аяқтаған ауғанстандық түлек Абдул Валид Файез Вазани жеткізді. Ол университетте алған білімінің жоғары деңгейін атап өтіп, әсіресе өзінің кәсіби саласында терең әрі берік білім алғанын айтты.
Абдул Валид өз жетістіктерімен тоқтап қалмай, «Электроэнергетика» бағдарламасы бойынша оқуын жалғастыруды жоспарлап отыр. Ол сондай-ақ Ауғанстанмен ынтымақтастықтың жалғасатынын хабарлады. Абдул Валид Теміртау университетіне жаңа ауған студенттерін тарту үрдісі туралы айтып, халықаралық серіктестікті одан әрі дамытуға жол ашты.
Бұл кездесу мен білдірілген алғыс Қарағанды индустриялық университетінің халықаралық байланыстарын нығайтудағы кезекті қадам болып, оның жаһандық білім беру кеңістігіндегі беделін растады.
