«ПАЙДАЛЫ ҚАЗБАЛАРДЫ БАЙЫТУ» — Қарағанды индустриялық университеті

6В07207 - «Пайдалы қазбаларды байыту»

Болашақ бакалаврлар бос жыныстан құнды компоненттерді бөліп алу үшін минералдық шикізатты бастапқы өңдеудің заманауи әдістері мен технологияларын үйренеді. Олар байыту әдістерінің жіктелуін және гравитациялық, флотациялық, магниттік және басқа да үдерістерде қолданылатын сәйкес технологиялық жабдықтарды меңгереді.

Студенттер байыту фабрикаларын жобалаумен, технологиялық үдерістерді бақылаумен, сондай-ақ арнайы бағдарламалық қамтамасыздандыруды пайдаланып технологиялық сызбаларды модельдеумен айналысады. Сонымен қатар, олар металлургиялық өндірістің негіздерімен және байытылған өнімдерді қайта өңдеумен танысады.

Түлектерге алған білімі тау-кен және металлургия кәсіпорындарында, жобалау бюроларында, ғылыми-зерттеу институттарында және өнеркәсіптік қалдықтарды экологиялық қайта өңдеумен айналысатын компанияларда инженер-технологтар және байыту мамандары ретінде жұмыс істеуге мүмкіндік береді.

https://www.youtubeeducation.com/watch?v=xqrw17MWpDU

ОҚЫТУ ТҮРІ ЖӘНЕ МЕРЗІМІ

4 жыл - жалпы орта білім базасында

2,5 жыл - техникалық және кәсіптік білім беру базасында

2,5 жыл - жоғары білім базасында

Сіз қандай маман боласыз?

Байыту фабрикаларында инженер-технолог;
Қалдықтарды қайта өңдеу бойынша маман;
Байыту желілерін жобалау жөніндегі инженер;
Байыту технологиялары саласындағы ғылыми-зерттеу институттарында ғылыми қызметкер.

ТҮЛЕКТЕРДІ ЖҰМЫСҚА ОРНАЛАСТЫРУ ҮЛЕСІ – 87%

БЕЙІНДІК ПӘНДЕР:

Математика (min 5 балл)

Физика (min 5 балл)

ГРАНТТАР САНЫ:

2021 жыл – 1770

2022 жыл – 1652

ӨТУ БАЛЫ:

2021 жыл – 57

2022 жыл – 50