ҚАРИУ КУБОГЫНА АРНАЛҒАН ЖАРЫС ӨТТІ
Университетіміздің спорт корпусында ҚарИУ кубогына арналған жарыс өтті. Сайыс спорттың үш түрінен: шағын футбол, балалар арасында шинкиокушинкай каратэ және ересектер арасында волейбол-микс түрі бойынша өтті. Жарысқа 200-ге жуық спортшы қатысты. Ашылу салтанатында Азия, Қазақстан чемпиондары, акробатикадан түрлі халықаралық жарыстардың жеңімпаздары Мелешко Руслан мен Котова Алиса арнайы өнер көрсетті. Аталған спорт додасының ашылуында университет ректоры Болатбек Абдрасилов құттықтау сөз сөйлеп, спортшыларға табысты өнер көрсетіп, жеңіс тұғырынан көрінуін тіледі.
Шағын футбол бойынша 1 орынды – «Арыстан» командасы, 2 орынды – «Арлан», 3 орынды – «Болат» жеңіп алды. Турнирдің үздік бомбардирі –- Валеев Тимур, Үздік қақпашы – Сумочаков Григорий, үздік ойыншы – Нұрлыбеков Нұрислам. Командалар мен қатысушылар мақтау қағаздары, кубок және тәтті сыйлықтармен марапатталды. Шинкиокушинкай каратэ жарысында қатысушылар күрестің техникалық әдістері мен элементтерін көрсетті. Аталған спорт түрінің үздік жауынгері Виктор Гражданов грамотамен және Қариу кубогымен марапатталды. Волейбол-микс түрінен өткен сайысқа 4 команда қатысып «Алаш» командасы бірінші орынды, 2 орынды «Маржанкөл» командасы, 3 орынды ТЖМ командасы иеленді. Турнирдің үздік ойыншысы – Георгиевский Владимир. Жеңімпаздар мен жүлдегерлер мақтау қағаздары және КарИУ кубогымен марапатталды.
Просмотров: 1 581